.::الحلقة الحادية عشر::.

.::الحلقة الحادية عشر::.

احتارت سارة هل ترد على صديقتها و خاصة انها تشعر
ببعض الذنب تجاهها ، كان يج
ان تقف الى جوارها و ليس ضدها ، ام تتجاهلها و تكمل مع احمد
و فى النهايه قررت ردت على منال المحادثه
بالموافقه و طلبت منها ان
تنتظرها دقيقه واحده
ثم دخلت الى احد القوائم لمواقعها
المفضله على النت و بعثت لاحمد
لينك معين و طلبت منه ان يفتحه
حتى تعود اليه لانها ستضطر
للغياب لدقائق
و عادت لمنال
و قالت : كويس انك فاكرانى و الله يا هانم
منال : انا عارفه انك زعلانه منى بس ما تعاملنيش كده كانى خنت مبادئ اكتوبر
سارة : لا خنتيها و انا مش خسرانه حاجه انتى اللى بتخسرى
منال : طيب و لو قلت لك ان خالد حايخطبنى بس لما اهله ييجو مصر الصيف ده عشان هما مسافرين بره ، ده حتى واخد الثانويه العامه من بره مصر
سارة : ايوه عشان كده خيبان و عمال يسقط ما دول بتوع ابناؤنا فى الخارج اللى بيمتحنوا فى السفاره و معاهم مامتهم و باباهم و سلاح التلميذ كمان
منال : هاها ده انتى مش طايقاه خالص عموما يا ستى انا اتفقت معاه ما نتقابلش خالص و نتكلم فى الكليه عادى فى وسط الناس لحد ما يخطبنى ايه رايك ؟
سارة و هى عايزه تنجز عشان احمد انا اتمنى لك الخير يا منال اشوفك بكره ان شاء الله فى الكليه يا حبيبتى
منال : طيب ممكن ابقه اجى اخد الدروس معاكى زى زمان
سارة : طبعا تتفضلى . انت بتهزرى ؟ ، بس بلاش تبقى ستاره لحاجات تانيه يا نونى
منال : ما خلاص بقه تبنا الى الله هاهاها مع السلامه
سارة : مع السلامه
فوجىء احمد بان سارة بدلا ان
ترد عليه بكلمات معينه بعثت له
لينك معين على النت
( لحسن تكون البنت دى عايزه
تجيبلى فيرس فى الجهاز و انا
دافع فيه دم قلبى )
ثم سلم امره الى الله و ضغط على
الرابط
طار احمد فى دنيا اخرى غير
هذه الدنيا
مش معقول الانسانه دى , كل ما
افتكر انها خلاص ما تقدرش
تبهرنى زياده
الاقى نفسى لسه ممكن انبهر اكتر
و اكتر
كانت اغنية اليساجوايا ليك احساس بيكبر كل يوم
العين تنام و القلب عمره ما جاله
نوم
من كتر شوقى و لهفتى شايل
هموم
ارتحتلك
احساس غريب باحسه لما بابص
لك
و باحن لك
لو حتى جنبى فى حضن قلبى
باحن لك
سلمتلك
اغلى ما عندى حتى قلبى فتحت
لك
سارة :
انا رجعت
احمد : وهو لا يزال يسمع
مش عارف ارد بايه بس لو مت دلوقتى حاموت و انا سعيد
سارة :
بعد الشر عليك
احمد:
بجد يا سارة انتى تقصدى الكلام ده ؟؟ اقصد كلام الاغنيه ؟
سارة :
لا يا احمد باشتغل فى ما يطلبه المستمعون
احمد :
انت قلتيلى احمد انتى متاكده ؟
سارة:
انت باين عليك شكاك يا احمد ، ايوه قلتاحمد بس بالكتابه لسه مش واثقه انى اقدر اقولها بلسانى
احمدم :
انت كل حاجه مش قادره تقوليها بلسانك ليه كده ؟
سارة :
هاهاهاا
احمد :
بتضحكى ليه دلوقتى
سارة :
عشان اللى يسمع كده يقول انك انت مقطع الدنيا كلام
احمد :
مهو انا زى ما قلتلك ما اقدرش استغل ثقة والديك فى و وجودى فى بيتكم عشان اتكلم معاكى و كمان فى الكليه صعب عشان مش حاستحمل حد يقول عليكى نص كلمه و برضه بره الكليه صعب لنفس السبب فاحنا على الشات لحد ما يعنى لو وافقتى اتقدم لك سارة و قد فشلت فى اخفاء سعادتها :
بجد يا احمد بتخاف على
احمد:
طبعا و اللى زيك ما ينفعش يتعمل معاها غير كده ، لازم تكونى خطيبتى الاول بس الموضوع ده فى عقبات كتير و انا حاكلمك بصراحه
انا خايف اوى يا سارة
سارة :
من ايه بس
احمد :
انا انسان عادى و ساكن فى بيت عادى و والدى الله يرحمه كان صحيح موظف كبير لكن ما سابش غير معاشه من وظيفته اللى ماما عملت معجزات عشان يكفينا و اقدر اتعلم و اكون الانسان اللى انتى شايفاه ده
سارة :
كل اللى بتقوله ده يشرف اى انسان
احمد :
اى انسان ما يكونشى رايح يناسب باباكى ، يا سارة انتى ما ترضيش انى يتقال على انى تطلعت لناس اغنى منى ، اقسم بالله انى حبيتك قبل ما اعرف اسمك ، و كنت اتمنى تكونى يعنى عاديه زييى
سارة :
و مين قالك بقه انى مش عاديه
احمد :
عربيتك و شكل بيتكم و كمان باباكى معروف اشرف زميلى قاللى عليه
سارة :
اهو اشرف ده اكتر واحد له تطلعات فى الدنيا ، تصدق انه كان عايز يخطبنى من ابيه خالد جوز شاهيناز اختى الكبيره من غير حتى ما يعرف شكلى ايه لمجرد ان بابايا رجل اعمال
احمدو قد بدا يغتاظ :
يخطبك ده ايه و انتى عملتى ايه
سارة:
بابى ما وافقش يشوفه اساسا و كمان لما عرف الموقف اللى عمله مع والد ابيه خالد و سابلهم الشغل فجاه بعد ما كان ابيه خالد اعتمد عليه و سافر امريكا و ساب المسئوليه عليه خللى بابى يعرف انه كان صح
احمد :
احسن انه غار من الشركه بتاعة جوز اختك و الله اروح اموته يا شيخه لو جه ناحيتك تانى
سارة :
ما تخافش يااحمد بابى و مامى متفاهمين جدا و يمكن يبانو للناس بره انهم طبقه تانيه لكن هما طيبين جدا و انت قابلتهم
احمد :
صحيح و الله انا ارتحت لوالدك و والدتك جدا
سارة :
ده زعقلى اول مره كنت عندنا
احمد :
ليه كده
سارة :
عشان كنا يعنى قاعدين فى المكتب لوحدنا وهو السبب اننا نقلنا فى الريسبشن
احمد:
تصدقى احترمته زياده ربنا يخليه ليكى يا سارة
سارة :
بس انا بجد سعيده يا احمد انك اول ما فكرت فى ، فكرت انك تخطبنى مش انك تلعب او ترتبط او تحب زى ما بيقولو
احمد :
فكرت ؟؟ّّّّّ!!! قولى اتمنيت ....... حلمت
بس فى مشكله واحده يا سارة اكبر من كل اللى اتكلمنا فيه ما كنتش عايز ازعجك اضايقك بيها ، لكن حقك انك تعرفى
و فى هذه الاونه كان خالد و منال
يتحدثان على التليفون بعد ان نام
كل من فى منزل منال
خالد : خلاص خلصت شات مع صاحبتك الرخمه هى حلوه بس رخمه اوى
منال : هاها و الله دى سارة طيبه بس هى خايفه على و عامله نفسها ولية امرى
و بعدين ايه حلوه دى بقه انا بغير
خالد :تغيرى ايه بس ده انت الحب كله , بس طمنينى خلاص كله تمام ؟
منال : كله تمام من بكره بقه زى ما اتفقنا بلاش وقفه لوحدنا فى الكليه و خلينا زى ما احنا نتقابل بره بس بعيد عن المنيل و كده يعنى ممكن فى النزهه مصر الجديده كده يعنى
خالد : طيب ما فكرتيش فى الموضوع بتاع الجواز تانى
منال : انا بصراحه يعنى سالت يا خالد ناس كتير اعرفهم و قالولى ان الحكايه دى بطلت خلاص و بتعمل مشاكل كتير ، يعنى مادام انا وانت قدام ربنا متفقين على الجواز خلاص و كلام الناس ادينا حانسكته من بكره زى ما اتفقنا
خالد : انا من ايدك دى لايدك دى و لو عايزه زياده فى الامان نتقابل عندى فى البيت ما فيش مشاكل
انتى عارفه انى لوحدى هنا وعيلتى كلها بره مصر
منال بدلع : عيب عليك يا خالد انا مش كده خالص
خالد : يعنى انا اللى كده مانا كمان مؤدب و طيب بس يعنى انتى خايفه منى ؟ زى ما بنقعد فى اى مكان حانقعد فى البيت نتفرج على التلفزيون نسمع موسيقى كده يعنى
قوليلى يا حبى انتى لابسه ايه
منال وقد بدا صوتها يلين : اشمعنى يعنى
خالد و قد علا صوت انفاسه : احب اعرف يعنى حبيبى لابس ايه وهو بيكلمنى مش احنا اتفقنا انك مراتى
منال : عيب يا خالد الكلام ده
خالد : اهوه كلام يعنى يبقى لا واقع ولا كلام حاغمض عينى و اتخيلك معايا و.........
تطرق الحديث الى مناطق لم
تتخيلها منال فى حياتها لدرجه
انها بعد المكالمه بكت من الشعور
بالذنب
لكنها بررت لنفسها او برر لها
الشيطان بعد قليل انها لم تفعل
حراما
الم يكونو على الهاتف ما العيب
فى ذلك ؟
و لكن وخزاً فى ضميرها حرمها
النوم طيلة تلك الليله
ونشوف حصل ايه الحلقة الجاية