.::الحلقة السادسة::.

.::الحلقة السادسة::.
سارة : الو
احمد: ايوه يا انسه سارة ازيك
سارة : الحمد لله ( بصوت مبحوح )
احمد:انا بس كنت عايز ...... عايز اغير الميعاد بتاع الدرس و الانسه منال سابت نمرتك معايا انا اسف لو كان فيه ازعاج
سارة : لا ازعاج مفيش اصدى مافيش ازعاج و لا حاجه يا دكتور , هوه فيه مشكله فى يوم السبت
احمد : ايوه حاقابل الدكتور المشرف على رسالتى عشان كده يعنى لو نخليها الجمعه يكون احسن
سارة : مافيش مانع يا دكتور زى ما تحب
احمد : الساعه سته كويس
سارة : كويس خالص حاستنى حضرتك قصدى حانستنى حضرتك
احمد : طيب انتى صحتك عامله ايه عشان الانسه منال قالت انك كنتى عند الدكتور
سارة : انا الحمد لله بس مامى هى اللى قلقانه على اوى عشان كده الدكتور طلب تحاليل و اشعات و انا حاعملها ان شاء الله
احمد بحنان بالغ : خللى بالك من نفسك يا سارة
سارة : هه ......................................

احمد : قصدى يا دكتوره سارة قدامك مذاكره و شغل ولازم تخلى بالك من صحتك مع السلامه
سارة هائمه : مع السلامه يا دكتور احمد
يخربيت كده ................
قاللى يا سارة و انا تنحت زى
الهبله ليه كده
ماهو كمان برضه صوته و
طريقته و هو بيطلب منى اخلى
بالى من نفسى ...............
ده انا كان حايغمى على تانى .............
لا اكيد ده الحب امال ده ايه يعنى
اشتغاله ؟؟؟
وعلى الجانب الاخر
يعنى اعمل ايه فى نفسى يعنى
........... خليك كده متآمر و
اهبل و مفضوح كمان
زمانها حست
حست بايه ، بص بقه خلاص ماعادش نافع انا بحب البنت دى بمجرد ما سمعت صوتها نبضى زاد و عرقت و بقت حالتى حاله
بس البنت دى بتحبنى برضه
تلاته بالله العظيم بتحبنى , ده
صوتها كان طالع بالعافيه , و
بعدين ايه صوتها ده ؟ هوه فيه كده
انت وقعت يا احمد و ماحدش سمى عليك و قبل الميعاد بساعات كانت
سارة لاول مره تشرف على
نظافة غرفة المكتب بنفسها و
تنسق الزهور و تسال كل خمس
دقائق (لا بجيت) بعت الجاتوه
طب (ليه دام) بعتو الساليزون
جاءت امها و هى منهمكه و
سالتها : ايه ياسارة انتى عامله عيد ميلاد و لا درس يا بنتى
سارة : معلش يا مامى اصل ده استاذ جامعه يعنى مش مدرس ابتدائى برضه لازم نحسسه بوضعه
الام : هوه شكله ايه دكتور احمد ده و عنده كام سنه ؟
سارة : قمر يامامى ، يعنى طويل و كتافه عريضه كده و عينيه عسلى و واسعه و شيك و .............
تنبهت سارة الى ان امها تنظراليها و تهز راسها و ابتسامتهااخذه فى الاتساع
الام : طيب خلاص يا ام سيد طلعى طقم الجاتوه من البوفيه
سارة : مانا طلعته يا مامتى خلاص بعد اذن حضرتك يعنى هى هى
الام : اما نشوف ايه الدرس الفول اوبشن ده ؟ و منال ما جتش ليه لحد دلوقت ؟
سارة: فكرتينى صحيح حاتصل بيها
و بعد دقائق
منال : انتى بنت حلال لسه كنت حاطلبك
سارة : ايه يا نونى اتاخرتى اوى
منال : بصى انا مش جايه النهارده معلش اصلى كنت مديه المعاد ده لخالد من قبل ما يغير احمد المعاد و النبى اوعى ماما تتصل و تقولى انى ما جتش الحصه انتى عارفاهم عندنا فى البيت
سارة :لا يا منال انا تصرفاتك كلها مش عاجبانى لو ما جيتيش دلوقت حالا حاكلم مامتك و اقولها هه
منال : هاها انا عارفه انك جدعه و ما تعمليش كده عشان خاطرى المره دى بس اصلنا رايحين سينما و حجزنا خلاص التذاكر و حياتى يا سوسى و حياتى
سارة : بصى يا منال انا مش حاكذب لا عشانك و لا عشان اى حد لو مامتك سالت حاقولها منال مش هنا
منال : هى مش حتسال هى فاضيه زمانها بتذاكر لاخواتى و محتاسه فى الطبيخ انت بس ما تتبرعيش و تسالى على و كله حايبقى تمام سلام يا قمر
يا نهار ابيض ده انا مش واخده بالى من حاجه مهمه اوى
كده حابقى انا و احمد لوحدنا ...........
دخل احمد المنزل و فتحت له
سارةبنفسها الباب و سلمت
عليه بايماءه من راسها ثم
اصطحبته الى غرفة المكتب
فى اثناء دخوله كان احمد يفكر .............
ايه الذوق العالى ده , البيت رائع
,ما تحسش انه بيت مليونير زى
ما بيقولو قد ما تحس انه بيت
فنان رقيق
كل حاجه فيه رقيقه و بسيطه و
جميله
يا رب يا اشرف تطلع بطيخه و
مش عارف حاجه و تطلع سارة
بنت تسعه زينا كده
سارة : منال بتعتذر يا دكتور عشان تعبانه شويه لكن حاتيجى المره الجايه ان شاء الله
احمد : كده طب الحمد ..... اصدى سلامتها
سارة : تحب تشرب ايه
و قبل ان يكمل احمددخلت
الشغاله تحمل صينيه عليها
عصير فواكه و شاى و نسكافيه
و كل انواع المشروبات الممكنه
كتوصية سارة
احمد : حاخد عصير بس شكرا
و دخلت والدة سارة : اهلا يا دكتور بحضرتك ارجو ان ما نكونشى تاعبينك معانا
هب احمدواقفا : لا يا افندم و لا تعب و لا حاجه
الام : طيب اتفضلو انا حامشى انا بس كنت عايزه اتعرف على حضرتك
احمد: حصلنا الشرف يا فندم
جرى ايه يا واد يا احمد دى
صاحبتها مش هنا و جابت لك
امها ايه ده ايه ده
باين عليه فخ جامد
فخ ايه انت راخر فاكر نفسك لقيه
شايف مامتها عامله ازاى و
لابسه ايه انت تطول
و النبى تتلهى ............
و عبثا حاول احمد الشرح و عبثا
حاولت سارة تفهم حتى قالت له
انا تعبت يا دكتور انت كنت
بتذاكر الحاجات دى لوحدك ده موضوع صعب اوى
احمد : اصل انا بحب الموضوع و غاوى مذاكره حتى و انا صغير كنت باجب المجلات العلميه و النشرات حتى ما كنتش بافهمها كلها لكن بعد كده عرفت قيمة الاطلاع
احمد : معلش عندى سؤال
سارة : اتفضل
احمد : ايه اللى دخلك جامعة القاهره رغم انك ما شاء الله يعنى تقدرى تخشى اى جامعه خاصه و يكون العدد اقل و كل حاجه اسهل بالنسبه لك
سارة : عدة اسباب اولها انى مش عايزه حد يقول انى داخله صيدله بفلوس بابى لأنى فعلا الحمد لله جايبه مجموع عالى و ثانيا عشان اعز اصحابى دخلو صيدلة القاهره و كنت عايزه ابقى معاهم و ثالثا عشان قريبه من البيت و مامى بتخاف على من السواقه فى طرق الجامعات الجديده اللى كلها خارج القاهره ....... و عشان انا لسه مش عندى رخصه اصلا هاها
احمد: امال سايقه ازاى
سارة : انا حاكمل تمنتاشر سنه بعد ثلاث شهور ساعتها بقه اطلع رخصه و اجيب عربيه انشاء الله لكن دلوقت انا باستعبط و اخد عربية مامى عشان هى نادرا ما بتخرج الصبح
و سرح احمد الحمد لله طلعت البى ام بتاعة مامتها ان شاء الله يجيبولها ميه تمانيه و عشرين
زييى يارب
ايه الحقد ده يا احمد ... قاسم السماوى قاعد ينق ؟؟
و فجاه و انا سارة بنتكلم
دخل والدها
راجل شكله طيب جدا لكن كان زعلان
سارة : اهلا يا بابى
الوالد : اهلا يا سارة اهلا دكتور احمد نورتنا
احمد: سعيد بمعرفة سعادتك يا فندم
و خرج الوالد فورا و بعدها
بثوانى خرج احمد و نادى الاب
على سارة........
و نعرف الحلقه اللي جايه قالها ايه بقا و هيه هتتصرف ازاي
انتظروووووووني