.::الحلقة الثانية::.

.::الحلقة الثانية::.
عدل احمد من رباط عنقه و تاكد من وجود اوراقه فى مكانها بالحقيبه قبل ان يذهب
لتناول الافطار مع والدته
الام : صباح الفل يا حبيبى انت نازل بدرى النهارده
احمد : ايوه يا ماما ادعيلى احسن النهارده اول مره ادخل سكشن و اشرح
الام : داعيالك يا حبيبى و انت قدها و قدود و تاكد ان ربنا مش حايضيع تعبك
يعنى معقوله المذاكره و الاجتهاد ده كله و اول دفعتك خمس سنين و تقلق من شويه
عيال فى اعدادى صيدله لسه جايين من المدارس الثانوى امبارح
احمد : الطلبه بتبقى عندها ميزان حساس بصرف النظر عن سنها بتوزن بيه المدرس
الام : و انت ان شاء الله تكون من الناجحين الموزونين ان شاء الله و اشوفك عريس يابنى يارب
احمد : ماشى يا ماما عايزه حاجه انا نازل
الام : خليك كده كل ما نجيب سيرة الجواز تتهرب
احمد : لسه يا ماما ما لقتش واحده تخطفنى و تخلينى احس انى لازم اقضى عمرى معاها
الام : يا حبيبى انت حاتتقدم و يحصل تعارف و بعدين ان شاء الله يحصل القبول
احمد : نتفاهم بعد ما ارجع يا حبيبتى عشان انا لازم انزل سلام
و قبل احمدامه و نزل و هويفكر فى كلامها , هل من الممكن ان يتزوج بهذه الطريقه
ان يختار شريكة عمر وحياه لمجرد ان اهلها ناس طيبين و انها حلوه و ست بيت بشهاده الشهودلا احد يعلم ماذا يخبئه النصيب لكنه دائما يستطيع ان يتمنى التوفيق من الله
دخلت سارة الكليه ساهمه و سالتها منال صديقتها
منال : انتى مش طبيعيه النهارده ياسارة
سارة : ايوه انا قلقانه اوى امبارح جالى عريس
منال : مبروك و اللى يجيلها عريس تقلق دى تفرح
سارة : ما هو انا ما حستش اى احساس بيه و خايفه اظلمه يعنى بس اعمل ايه
منال : يعنى هوه لازم يكون حب من اول نظره
سارة : ما قصدش حب من اول نظره لكن ع الاقل ارتياح من اول نظره , وهو جاى
النهارده تانى
منال : طيب اديله فرصه يمكن من تانى نظره
سارة : مش عارفه انا قلقانه و مش مبسوطه و صليت استخاره امبارح و يعنى
حاسه انى مش مرتاحه
دخل الطلاب الى السكشن و كان عددهم قليل بعكس المحاضرات فتوفرت احمد
الفرصه ان يراقبهم عن قرب
السعاده الممزوجه بالترقب و الطموح فى اعينهم و معها الفخر بالانتساب لكلية
الصيدله
فى جامعة القاهره العريقه لقد كان احمد احدهم يوما .ووفقه الله الى كل ما حلم به
و بدا احمد الكلام مع الطلبه و تعريفهم بمادته و بعد دقائق سمع قرعا على الباب
و ظهرت فتاتان متاخرتان عن الميعاد
و احتار ماذا يفعل هل يؤنبهما ام يتركهما تدخلان ام ماذا يفعل
ياه احداهما فى غاية الرقه و تبدو مثل الاطفال فى وداعتها و الثانيه متنمره و تنظر له
بتحدى
ووجد نفسه يقول : ايه اللى اخركم عن السكشن
سارة : متاسفين يا دكتور ما كناش لاقيين المكان
منال : معلش توهان اعدادى بقه
احمد: احنا حانهذر يا انسه اتفضلى بره انتى و هى
ايه يا احمد ليييه
لماذا طردتهما ده اول يوم , يعنى كل اللى كنت بتعترض عليه فى حياتك زمان فى
الدكاتره بتعمله انت دلوقت لا حول ولا قوة الا بالله
و زاد احساسه بالذنب احمرار عينى الفتاه الطفله و اوشكت على البكاء
كان يريد ان يتراجع لكن هيهات خلاص دبح القطه و عمل سبع رجاله فى بعض يرجع
ازاى ؟؟؟
هههههههههههههههههه
خرجت البنتان فى هدوء و خلفتا له شعورا بالذنب لا يوصف
بعد انتهاء السكش بحث عنها بنظره فى كل مكان و لم يجد لها اثرا
كان يريد ان يصالحها لكن هيهات ............
سارة : انا عمرى ما حد احرجنى كده ايه ده ليه كده هوه الناس دى ربنا لما بيديها
سلطه ليه بس بتتجبر
منال : انا مش عارفه و الله ايه الالاطه بتاعته دى هوه ما فيش حد غيره حلو و شيك
سارة : حلو و شيك ايه انتى كمان انا مش طايقاه و لا طايقه نفسى
و عادت سارة الى المنزل منهكه
ووجدت امها تذكرها بمقابلة المساء المرتقبه
يييه ماهى ناقصه اصلها
بصى يا مامى انا مش حاقابل حد اعتذرى له لو سمحت باى حاجه
الام : ازاى يا بنتى احنا حتى ما خدناش نمرته و بعدين الناس تقول علينا ايه
سارة : انا مش مرتاحه للموضوع ده و لا للشخص نفسه و مش عايزه اعلقه بى
اكتر, يبقى من دلوقت احسن ارجوكى يا مامى ما تغصبيش عليا
و نتقاابل مع حلقه جديده