.::الحلقة الواحدة وعشرين::.

.::الحلقة الواحدة وعشرين::.
انتهت حفلة الخطوبه مثل كل الاوقات السعيده ، تنتهى ، لكن تظل ذكرى عزيزه لا تمحوها الايام
و صعد كل من احمد وسارةالى غرفته
و كلمها بالتليفون : سارة ، اللى حصل النهارده كان حقيقى ؟
سارة : ارجوك يا احمد ما تشككنيش عشان انا لحد دلوقتى مش مصدقه
احمد: يعنى يا سارة انتى خلاص بقيتى خطيبتى ؟
سارة : ايوه و انت خطيبى
احمد: حبيبتى ؟
سارة : و انت حبيبى
احمد: حياتى كلها ؟
سارة : و انت اغلى من حياتى
احمد : ساعات باحمد ربنا انى عمرى ما كان عندى فتاة احلام ، عشان اى حلم كان ممكن احلمه ، اي امنيه كانت حاتخطر على بالى ، كانت جنبك ، حاتبقى باهته
سارة : انا كمان يااحمد، كنت باسمع بس عن الحب ، و عمرى ما تخيلت انى اقع فيه بالشكل ده ، لكنى بعد ما حبيتك ندمت
احمد : ندمتى ؟
سارة : على كل لحظه فى عمرى ما كنتش فيها معاك ، رغم انى حاسه ان فى كل لحظه ، كنت برضه بحبك
احمد : يعنى ما كنتيش بتحبى حد من الممثلين او المطربين حتى ؟ لا لا ، ما تقوليش عشان حاغير ، و ممكن اكره الممثل ده و اقتله و ارتاح
سارة : هاهاها ، لا حاقول هه
احمد : لا حازعل ارجوكى
سارة : هاهاهاها ، كابتن ماجد هاهاهاها
احمد: هاهاها انا اللى غلطان انى خطبت واحده لسه صغننه زيك ، بس تصدقى مش هوه كارتون ، برضه غيران منه ! ليه كده يا سوسىى ؟ عارفه لو كان بوجى يمكن ما كنتش ازعل كده هاها
و قطعت سارة ضحكته بقولها :
باحبــــــــــــــــــــــــــــــــــك
نزلت هذه الكلمه كقطرة الندى على قلب احمد، و كانما ضن ان يتكلم بعدها فيذهب صداها من اذنيه .........
ساد الصمت بعدها ، كانا يتكلمان خلالها ، لا بالشفاه ، و لا حتى بالعيون ، بالقلوب فقط نبض قلبه رد عليها ، و كذلك ردد قلبها
احبك احبك احبك
كرجع الصدى لكلمتها
و فى الصباح التالى ، غادر الجميع الفندق ، و كانت والدة احمد قد اعدت الغداء لعائلة سارةكلها فى منزلها ، فخرج احمد من الفندق و بصحبته سارة و ركبت معه سيارته و خلفهم جاء شريف و هشام بك و حرمه، و اعتذرت شهيره و شاهنده عن عدم الحضور ، لارتباطهما بالسفر لقضاء باقى اجازة نصف العام مع الاطفال فى العين السخنه
ما ان خطت سارةداخل منزل احمد ، حتى احست انها تشاهد سنين عمره كلها ، صوره طفلا ،احست انه طفلها و ذاب قلبها حنانا و عطفا عليه ، و حين رات صورة والده رحمة الله عليه ،
احست سارةانها على وشك البكاء حزنا ، على رحيله ، و على طفلها اليتيم ، وحين لمحت صورة تخرجه من المدرسه ، كادت تقفز و ترمى الكاب فى الهواء فرحا به ، أما صورة تخرجه من الكليه ، جعلتها تشعر انها انجزت انجاز عمرها ، بتخرج حبيبها و طفلها من الجامعه
صحيح ان اصل كل عواطف المراه هى عاطفة الامومه ، انها تولد بها و على الرغم بساطة المنزل ،احست شيرين باثار العز القديم والاصاله فى كل ركن فى المنزل
و نزل احمدليصحب حماه وحماته ، و صعد بهم حيث كانت امه قد اعدت وليمه عامره
للعروس الجميله و عائلتها .
كان احمدو امه يتوجسان خيفه من والدةسارةمنذ موقفها الاول ، لكن الجليد كان قد بدا فى الذوبان ، و بداوا يحسون بطيبتها و اصالة معدنها
و قد استمر هشام بك يثنى على كل ما قدم له من طعام ، و كذلك زوجته ، و لم تتوقف ام احمد عن محاولاتها اطعام سارة ، التى كانت تشبعت بالحب هى و احمد فاصبحت فى غنى عما سواه ، سواء كان طعام او شراب ، او حتى نوم
و بعد الغداء اخبرهم هشام بك انه سيتوجه للعين السخنه حيث بناته هناك لقضاء يومان من الاجازه ،
و دعا احمد و والدته لقضاء يومان معهم
طار احمد من السعاده ، يومين مع سارة ، انت مسعد يا احمد والله
ثم احس بالخجل ، و عاد ليقول : احنا مش عايزين نتقل عليكم يا عمى ، عشان انا عارف ان اخوات سارةهناك و ممكن ما يكونشى في مكان
هشام : هاها اطمن يا احمد يابنى ، انا احنا حاننزل فى القريه السياحيه بتاعتى هناك ، سيادتك تنقى اى شاليه و تقعد فيه مع والدتك و أى حد تحب انه ييجى معاكم كمان
فكر احمد اه بدانا شغل التعقيد ، ما حنا برضه كويسين و كان عندنا بيت ملك فى السيده برضه
شكرت ام احمد هشام بك و لكنها اعتذرت عن عدم قدرتها على السفر لارتباطها مع اخوتها ببعض الامور ، لكنها طلبت من احمد ان يسافر ليقضى يومان نظرتسارة لاحمدو كلها امل
، و لم يشأ ان يخذلها فرد :
ان شاء الله يا عمى ، لما توصلوا بالسلامه اكلم حضرتك و .....
قاطعه شريف : لا ، انت عايز تزوغ ، ما فيش فايده يا بو نسب ، انا حاعدى عليك بكره بعربيتى عشان اخدك معايا انت و سارة، و ماما و بابا ييجو براحتهم
خلاص
احمد : شكرا يا شريف بس انا ممكن اجى بعربيتى
شريف : لا انا حاخدك وارجعك من الباب للباب
ونشوف هيحصل ايه الحلقة الجاية