.::الحلقة الثامنة::.

.::الحلقة الثامنة::.
نظرت منال لسارة بدون اهتمام
لكن شيئا ما فى عينى سارة
جعلها تستجيب و تقوم للرد عليها
و هى تحكم انزال البادى الضيق
على ظهرها الذى ظهر جزء منه
سارة : دى طريقه تقعدى بيها يا منال انتى و الزفت ده على كرسى واحد ازاى كده ؟ انت تقريبا قاعده على حجره ايه ده اتجننتى انت و اللا ايه ؟؟
منال : ايه يعنى انتى مش شايفه البنات كلها قاعده ازاى ما لقيناش كراسى نعمل ايه يعنى ؟ و بعدين يعنى انتى بوليس الاخلاق و اللا ايه ما تهدى شويه كده وما سمحلكيش تقولى عليه زفت .
سارة : ايه اللى غيرك كده يا منال ؟ انا مش مصدقه ان خالد ده تاثيره عليكى للدرجه دى ! و بعدين ايه اللبس المنيل ده اللى انتى لابساه ظهرك باين و كل تفاصيل جسمك انت فاكره انك عشان لبستى حاجه على راسك بقيتى محجبه خلاص. الحجاب ده له احترامه و قدسيته ، مش كده منظر و خلاص
منال : شوف مين بينصحك اساسا لما تبقى تلبسى حجاب الاول تبقى تتكلمى
سارة : ايوه صح انا مش مغطيه شعرى لكن لابسه هدوم بعيده عن جسمى و مش مفصلاه زيك كده و بعدين ده مش موضوعنا دلوقتى موضوعنا انتى يا منال انتى انا خايفه عليكى اوى اوى
منال : شكرا يا سارة و الله بس انا خلاص مش محتاجه وصايه من حد و بالنسبه لعلاقتنا احنا برضه حانفضل صحاب لكن ارجوكى تحترمى علاقتى بخالد
سارة : مش لما انت ولا هوه تحترموها الاول ، يعنى هوه قاعد حاطط ايده على كتفك و انتى ماسكه ايده التانيه و الناس كلها شايفاكم
ممكن توصفى العلاقه دى ايه يعنى خطوبه زماله صداقه ايه بالضبط
منال : حب ؟ّ؟
سارة : انا اسفه جدا الحب ده مش علاقه الحب ده شعور يعنى ممكن يؤدى لعلاقه و العلاقه دى ممكن تكون مشروعه او غير كده ارجوكى يا منال فكرى و راجعى نفسك قبل اى تصرف عشان انا واضح انى ما عادش لي اى خاطر عندك عشان تسمعى كلامى
قالت سارة كلمتها و انصرفت
حانقه و وجدت قدماها تقودانها
الى الدور الذى يقع فيه مكتب
احمد و باى حجه دخلت اليه و
هى تساله عن تقرير معين
مطلوب منها فى ماده غير مادته
احمدو قد فرح برؤيتها : بصى انا عندى لينك لويب سايت على النت ممكن تلاقى فيه كل حاجه عن الموضوع ده و تنزلى منه اللى انتى عايزاه
سارة : صحيح يا دكتور طب ممكن تدينى اللينك ده
احمد : هو مش معايا دلوقتى بصراحه اصل هوه فرع من جوه موضو ع كبير عشان كده عايز ابعت لك لينك الصفحه بالضبط لو ما عندكيش مانع ممكن تدينى الايميل بتاعك ابعتهولك عليه لو تحبى يعنى ؟
سارة : اوكى حاكتب لحضرتك الميل بتاعى
و قامت سارة بكتابة الايميل
على ورقه صغيره و اعطتها
لاحمد الذى قبض عليها و قام
بوضعها فى جيبه على الفور
ثم نظر الى عينيها و سرح كعادته
و حاولت هى الهروب بعينيها
كعادتها و لم تستطع حتى جاء
زميله فى الغرفه د.اشرف و لما
راى سارة :
اهلااان انسه سارة ازيك و ازى الدكتور خالد
سارة : هوه بخير الحمد لله ازى حضرتك يا دكتور اشرف
اشرف : الحمد لله انا بخير بس كنت منتظر يعنى انك لما تعوزى مساعده تجيلى ده انا متوصى عليكى من خالد توصيه جامده
سارة : متشكره يا دكتور اشرف و الله بس انا كان عندى سؤال و الدكتور احمد جاوبه خلاص شكرا لحضرتك الف شكر
لا تعرف لماذا كانت تستثقل
اشرف هذا ، لقد لمح لها ابيه خالد
زوج اختها قبل ذلك انه يسال
عنها و يبدو كانه يريد خطبتها ،
لكنها ابدت رفضا من البدايه
انها لا ترتاح له على الاطلاق و
تراه نموذجا للانسان الوصولى
ده قعد ورا خالد لحد ما عرفه
على بابى و انا مش عارفه ماله
هوه و مال بابى
و كان عايز قال ايه يجيلنا البيت ؟
بيت ايه ده ان شاء الله ، الحمد لله
ابيه خالد وداه المكتب عند بابى
حتى ابيه خالد كان رايه فيه انه
انسان وصولى
حاول يشتغل فى شركة والد خالد
حتى وصل لما يريد و بعد ذلك
جاءه تعيين الجامعه نتيجه لنقص
المعيدين فتركهم فى لحظه دون
حتى ابداء اعتذار و لا ترك
فرصه لهم ليجدو بديلا له
انها لا تحب هذا النوع من البشر
انهت سارة اللقاء سريعا و
انصرفت
و فى المساء جلس احمد الى
جهاز الكومبيوتر و اضاف
سارة الى جهات اتصاله و بعث
لها بميل يحتوى على اللينك
و لا شىء اخر و لا حتى كلمه
واحده توحد ربنا
و فيما هو يفكر فيها قام باضافتها
على المسنجر الخاص به
و قام ليتعشى مع والدته ثم عاد
مره اخرى فوجدها قامت بقبول
دعوته و ردت عليه بميل شاكره
لما ارسله لها
و خطر فى باله ان يقوم بكتابة ما
يحسه ناحيتها فى المسنجر
و لا يقوم بارساله فقط يكتبه و
يمسحه مره اخرى
و قام بالفعل بكتابة الاتى
سارة
لا اود نداءك باى لقب
فقط سارة
لانه اصبح يمثل لى لقبا فى حد ذاته
منذ رايت عيناك و انا اسير لهما
اعرف انى لن استطيع البوح فى حضرتهما
لن استطيع التعبير عما بداخلى
لم احس احساسا كهذا من قبل فى عمرى
ان كل النساء و الفتيات و البنات على وجه الارض لهم عنوان واحد هو انت
لهم وجه واحد
وجهك انت
بحبك يا سارة قالها بصوت عالى و تحرك لا
اراديا
ثم لمس طرف اصبعه
enter
ونكمل الحلقة الجاية يا حلويييييييييييين ...................