.::الحلقة العاشرة::.

.::الحلقة العاشرة::.
دخل شريف المنزل و القى السلام
فردت سارة: اهلا شريف
تمتم احمد فى نفسه و كمان بتقولى شريف و لا هامك
سارة: اعرفكم ببعض د. حسام
استاذى فى الكليه يا شريف ،شريف اخويا سادسه طب
تقدم شريف و سلم على احمدمبتسما : تشرفنا يا دكتوراحمدارجو تكون سارةبتذاكر و مش تاعباك
احمد متهللا و ضاحكا : انا اللى تشرفت بمعرفة حضرتك ما تتصورش انا سعيد اد ايه انى قابلتك و الله
ثم انسحب شريف للداخل وهو يقول للشغاله: مفاتيحى مع الحارس تحت بيركن العربيه خديها منه لما يجيبها
لاحظت سارة تبدل احوال احمد
تماما بعد ان قابل شريف ، و
تهلل وجهه و عاد ينظر الى
عينيها تلك النظرات الهائمه ،
لكن سارة كانت اذكى من ان
تفرح بهذا التغيير
احمد : ما قولتليش يعنى يا دكتوره ان عندك اخ كبير فى طب
سارة: على فكره انا ما قلتش لحضرتك حاجه خالص اساسا
فهم احمد التلميح و ابتلعه
لاحساسه بالذنب اذ كانت تقصد
انه مدلوق و انه هو الذى قال كل
شىء ماشى يا سارة ماشى
و اردفت سارة : انا على فكره عندى كمان اختين اكبر منى شاهيناز فى امريكا و شهيره ساكنه معانا هنا فى العماره
احمد: ربنا يخليهم كلهم و انا اسف يعنى اذا كنت بسال على حاجات يعنى ماليش فيها
سارة : مين قال كده يعنى دى معلومات عاديه و كل الناس ممكن تعرفها
ابتلعها احمد للمره الثانيه و كانت
سارة قد بدات تفهم لماذا تغير
احمدلقد فهمت انها راها اليوم
عندما ركبت السياره مع شريف
فى الجامعه
لقد مر عليها لاصطحابها لمقابله
احدى زميلاته ، انه يحب زميلته
تللك و كان يريد خطبتها ، و قد
اصطحب اخته لياخذ رايها فى
فتاته
و رغم ان سارة عذرته فمن
يحب بشده يغار بشده لكنها
قررت الا تدع هذا الموقف يمر
سارة : حضرتك شفت شريف قبل كده ؟
احمد متلعثما : لا ..ايوه ... لا اول مره اكلمه دلوقتى
سارة : اصل و حضرتك بتسلم عليه افتكرتك عارفه يعنى عشان هوه تقريبا دفعة حضرتك بس طب يعنى بيطولو شويه
احمد : ايوه عندك حق
و فكر احمد بس يا خفيف هى
عرفت انك شفتها النهارده من
لخبطتك ، ايوه بس يعنى انا كنت
اعرف منين انه اخوها ، برضه
يا اخى ما تشكش فى البنت كده
يعنى هى واضح جدا انهما
محترمه
و هنا انهى احمد الشرح و
استاذن فى الانصراف و سارة
تنظر اليه نظرات ذات مغزى
و بدون كلام فقط بالعينين اتفقا
على ان يتقابلا على الشات ،
الاشاره وصلت فى لحظه واحده
الى عقل كل منهما ، انهما يجب
ان يتكلما الليله
دخلت سارة غرفة المعيشه و
كانت هناك اختها الكبيره شهيره
و والدتها و شريف و ندى ابنة
شهيره ، قفزت ندى على ساقى
سارة و صاحت:
أنتى سارة حضرتك خلصتى الدرس ؟
ردت سارة : ايوه يا حبيبة أنتى انا مبسوطه منك عشان ما طلعتيش بره و ما عملتيش شقاوه
ندى : بس حضرتك وشك سخن ليه يا أنتى ؟ هوه حضرتك عيانه ؟
ردت سارة و قد زاد وجهها احمرارا :
لا لا انا الحمد لله كويسه
شهيره : صحيح يا سارة وشك احمر اوى تعالى ندخل اوضتك اقيس لك الحراره هاهاها
و قامت الاختان و دخلا غرفة سارة
شهيره : اعترفى دلوقتى حالا احسن لك
سارة : يييه هوه انا مفضوحه اوى كده حتى ندى خدت بالها هاهاها
شهيره : لا لا لا ، معقوله العسكرى بتاعنا وشه يحمر كده ، احكى من الاول احسن لك
سارة : ابدا يا شهيره و الله بس يعنى كل ما اشوف احمد ده قصدى دكتور احمد يحصلى حاجات و بطنى توجعنى و خسيت اتنين كيلو و ......
قاطعتها شهيره و قد تقمصت دور الخبيره :
بطنك توجعك و لا تحسى انك كده راكبه طياره و روحك بتتسحب ؟
سارة : ايوااه عليكى نور فعلا كده يعنى بحس الحجاب الحاجز كده مش فى مكانه
شهيره : طيب يا بتاعة علمى علوم هاهاها التشخيص بتاع الحاله دى ان تقريبا جنابك بتحبيه و كمان سخونيه وشك دى و احمراره اكبر دليل على كده
سارة : بس انا خايفه اوى يا شهيره انتى عارفه انى ماليش خبره فى الحاجات دى خالص و عمرى فى حياتى ما كلمت ولد غير قرايبنا و المدرسه بتاعتى كان كلها بنات و الرجاله الوحيدين اللى باكلمهم ابيه شوكت و ابيه طارق جوز شاهنده و شريف و بس ......
شهيره : يا حبيبتى الحب مش عيب ، دى اسمى عاطفه فى الوجود ،المهم الحب ده يكون بناء ما يهدمش ، يعنى يخليكى احسن و يخليه هوه كمان احسن ، و ما تنسيش انى برضه ليه تجربه فى المواضيع دى انا طول عمرى بحب شوكت من و انا فى اولى ثانوى ، بس الحمد لله عمرى ما غلطت و كنت عارفه من اول يوم انه طالما انا مراعيه ضميرى و مراعيه ربنا ، اكيد حاييجى يوم و نتخطب و نتجوز ده انا باسمع عجب عن البنات اليومين دول و مع ذلك انا واثقه فيكى جدا
سارة : جواز ؟ مش عارفه يا شهيره انا لسه ما فكرتش فى كده ،
ثم تراجعت سارة عن كلامها : بصى يا شهيره انا باكذب عليكى انا من ساعة ما شفته و انا شايفه نفسى جنبه فى الكوشه بقه من الاخر
شهيره : و مكسوفه ليه ، هما بنات الناس المتربيين كده ، ما فيش حاجه اسمها الحب للحب و الوهم للوهم دى ، النتيجه الطبيعيه للحب هى الجواز ، يا اما يكون حب من طرف واحد او من غير امل ، لكن لو الاتنين بيحبو بعض لازم يفكرو كده من اول يوم ، بس انا عايزاكى تتقلى يا شيرين ، انا عارفه ان اول حب ده بيبقى بهدله مش شايفه شريف اخوكى و اللى بيحصله
سارة : اسكتى انا قابلت البنت اللى بيحبها النهارده دى ، ما ارتحتش خالص
شهيره : ماهو انا ما رضتش اقابلها الا لما انتى تشوفيها عشان انتى يعنى كنت فى الجامعه صدفه لكن انا عشان اقابلها يبقى ده زى وعد بالجواز و حرام نعشم بنات الناس
سارة : تصورى انا واقفه فى الكافيتريا معاها هى و شريف راحت ماسكه ايده حطت راسها على كتفه و لا كان اخته الصغيره واقفه
شهيره : ما هو شريف صيده يا بنتى ، غنى و ابن ناس و قمر اربعتاشر ر بنا يسترها بقه
هنا دخل شريف عليهما
شريف : شيلى ايدك انتى و هى حرام عليكو ، دى شكلها فروتى دى اللى ماسكينها و مقطعينها حتت
هنا غرقت الاختان فى الضحك و اردفت شهيره :
و دمه خفيف كمان ايه رايك
اقعد يا شريف دى سارة كانت بتكلمنى على لبنى زميلتك
شريف : ايه رايك فيها يا سوسى انا ما شفتكيش من الصبح عشان اكلمك
سارة : بص يا شريف هى كويسه بس مش تيب بتاعك ، يعنى انت متحفظ و هى يعنى عامله فى نفسها البدع
شريف : دى محجبه
سارة : و النبى ارحمونى من الكلمه دى ، بص شهيره اختى محجبه يعنى تلبس بنطلون عليه جاكت طويل ، تغطى رقبتها ، تلبس ما لا يصف و لا يشف
انما اللى ظهرهم باين و بطنهم كمان و البادى مفصل كل حاجه فيهم دول ما لهمش فيه .
شريف : هاها بكره تكبر و تحتشم بس انا اسف على انها يعنى مسكت ايدى و كده قدامك اصلها بتحبنى اوى و ما رضتش اكسفها
شهيره : هى باباها بيشتغل ايه و ساكنه فين يا شريف
شريف : دى ساكنه فى المهندسين قريب مننا هنا و باباها بيشتغل بره مصر ومامتها عندها مركز تجميل هنا فى المهندسين
شهيره : تعرفه فين بالضبط المركز ده
شريف : اه كولومبو بدا تحرياته ربنا يستر ، لا ماعرفوش بس ممكن اسالها على عنوانه و اقولها يعنى اخواتى عايزين يتجملو هاهاها مع انكم اجمل بنات فى العالم
سارة : ربنا يخليك لينا يا شريف يعنى انت بتحب البنت دى
شريف : بصراحه انا مش عارف بس هى اصلها بتحبنى اوى اوى ، و بعدين اصلها حلوه اوى
سارة : صحيح هى من جهة حلوه هى زى القمر ، بس الجمال يعنى ......
شريف مقاطعا : مش كل حاجه عارف يا ستى عارف ، حتى الرسول عليه الصلاة و السلام قال عن مواصفات الزوجه(اذا نظر اليها سرته) ا
يعنى مش ضرورى تكون ميس يونيفرس عشان تسره ، بس انا شاب يعنى و لى مشاعيرى هاهاها
شهيره : اوكى ياشريف روح نام بقه هاهاها عشان احنا سهرنا سارة قوى يا للا انا طالعه فوق عشان شوكت قرب ييجى
لم يتوقف احمدلحظه عن التفكير
طوال طريق عودته ، اختها
ساكنه فوقيهم و الحارس بيركن
العربيه ، و اضح ان العماره ام
هيرتليون جنيه دى بتاعتهم ،
يادى الوقعه ، ايه يا احمد انت
بتخاف تفرح يا بنى ، انت لما
صدقت ارتحت من ناحية اخوها
تطلع بمشكله جديده انت ايه ؟
نكدى ؟
و اسرع بالسياره لانه كان اتفق
معها بغير كلام على المقابله على
الانترنت
و جلس فى انتظار ان تفتح لمدة
نصف ساعه ، لقد نصحتها
شهيره ان تتقل ماشى حاتتقل اهه
بس مش اوى و فتحت المسنجر
احمد :اهلا دكتوره
سارة :اهلا دكتور احمد
احمد :
بصى يا سارة انا عندى كلام كتير اوى عايز اقوله بس ما قدرش استغل اننا فى بيتكم و اتكلم فى حاجه عشان كده انا مبسوط اوى انك دخلتى
ردت سارة و قد احست ان الطياره خلاص حاتلمس الارض و الحجاب الحاجز سيقتلع من مكانه تماما
سارة :خير يا دكتور
احمد :اظن رسالتى اخر مره وصلتك
سارة :
It was a little early
ترجمه ( كانت سابقه لاوانها قليلا )
احمد : My love for you doesn’t recognize time ,nor limits I loved you since the very first time I laid an eye on you
ترجمه ( حبى لك لا يعترف بالوقت ولا الحدود لقد احببتك منذ وقعت عليك عيناى )
ومر وقت وسارةلا ترد
احمد :
ارجوكى ردى يا سارة انا يمكن احسن اكتب بالانجليزى لانى حاسس انه برضه حبى ليكى خارج حدود اللغات انا حاسس انى ممكن اكتبلك بالالمانى و الروسى كمان لو حبيت رغم انى ما عرفش ولا حرف فى اللغات دى
عارفه انا عمرى ما قلت لواحده انا بحبك حتى بالعربى و لا توقعت اقولها لكن حبى ليكى غير حاجات كتير اوى اوى فى
سارة :بس انا زعلانه منك
احمد :عارف و مش حاعمل فيها عبيط عارف انك زعلانه و ليكى حق
بس اللى بيحب اوى بيخاف اوى و بيغير اوى اوى اوى
سارة :لازم كنت تثق فى شويه زياده ، و لا صحيح انت ما تعرفنيش حاتثق فى ازاى
احمد:
for forever , but I just have my fears , I do fear for this love , shereen , you are too good to be true I feel that I've known you since the day you were born ,
(ترجمه : احس انى اعرفك منذ ميلادك ،عرفتك للابد )
لكن لدى مخاوفى ، اخاف عليك يا سارة ، انك انسانه نادرة الوجود ))ا
كانت سارة فى هذه اللحظه
تتمنى ان تطمئنه و تقول له انها
هى الاخرى تحبه و انه لا داعى
لان يخاف ..........
كانت تود ان تخبره انه هو الاخر
فى قلبها لكنها تذكرت كلام
اختها
اتقلى يا بت و همت بالرد عليه و
وفى اثناء ذلك وجدت منال اون
لاين و بعثت اليها طلب اجراء
محادثه ..................
وبكره بقى نشوف حصل ايه