الحلقه الاولي ~ ( من قصه اسيا وحسام

الحلقه الاولي ~ ( من قصه اسيا وحسام )

قوضة حسام و حسام نايم

فجاة موبايله يرن

حسام : الو

هشام : ايه ياض يا جزمة انت اتاخرت ليه

حسام : ليه ياعم هى الساعة كام ؟

هشام : الساعة 9.30 يا باشا

حسام : ايه ؟ المنبه الجزمة ده مصحانيش انا كدة روحت ف داهية

هشام : ههههههههههه الساعة 8 يا معلم معلش

حسام : تصدق ياض انك معفن و انا غلطان انى صاحبتك بمقالبك السخيفة دى

هشام : ياعم انت لسه هتهرى ما تيلا قوم

حسام : حاضر حاضر هقوم اخد حمام و هلبس و هنزلك

هشام : ماشى ياعم

( يطلع حسام برة القوضة يلاقى مامته قاعدة بتتفرج ع التليفزيون )

حسام : ايه يا امى صباح الخير

الام : ايه يا حبيبى صباح النور

حسام : دعواتك معايا النهاردة بقا اول يوم ف سنة 5 هندسة اهو و هبقا ميكانيكى اد الدنيا :))

الام : ههههههههههه كان لازم ميكانيكى يعنى يا حسام

حسام : انتوا قولتوا عاوزين مهندس و انتى عارفة من الاول انى مش حابب هندسة و طول عمرى ميولى ادبى سيبونى بقا اختار القسم اللى يريحنى

الام : خلاص يا حبيبى ربنا يوفقك و ركز ف اخر سنة بقا

حسام : حاضر يا حبيبتى هقوم انا بقا اخد حمام علشان الواد هشام الجزمة ده مصحينى ع مقلب زى كل يوم

الام : ههههههههههههه بس و النبى طيب و محترم و بيحبك

حسام : و انا و الله بحبه ياما من يوم ما ابوه مات و هو اللى شايل البيت و بيشتغل و بيدرس و بيساعدنى نفسى اتخرج و نفتح ورشة انا و هو اصل انا مش هامن حد ع مالى زي هشام و لا انتى ايه رايك يا حجة ؟

الام : عندك حق يا ابنى اتجدعن انت بس و انا هعملك كل اللى انت عاوزة

حسام يبوس ايد والدته و يقولها : حاضر ياست الكل سلامنجا انا بقا عاوز استحمى الواحد حاسس انه بقا معفن اوى ^^

الام : هههههههههههههههههه طب قوم و انا هحضرلك الفطار

حسام : ماشى ياست الكل صحيح هى البت اسراء فين

الام : نايمة جوه اهى

حسام : هى مش هتصحى تروح كليتها و لا ايه

الام : بتقولى انها هتنزل من تانى اسبوع

حسام : البت دى بتستهبل و لا ايه انا بكرة ليا تصرف معاها بس انا لازم استحمى

الام : ماشى يا حبيبى

و يدخل حسام الحمام

الام : ربنا يبعد عنك ولاد الحرام يا حسام يا ابن بطنى يارب