الحلقة الخامسه

.::الحلقة الخامسة::.

فى طريق العوده للمنزل لم تستطع سارة
التوقف عن التفكير فى احمد
هوه انا بحب احمدو اللا ايه ؟؟
ايه اللى ضايقنى اوى لما لقيت واحده بتسلم عليه
و بتدلعه وتقوله يا حمادة انا مالى اساسا
طب هوه كمان كان مكسوف اوى و متضايق ليه
انى شفتها معاه ؟؟
ايه يا سوسى تكونشى هى دى الكهرباء
انا بس بطنى بتوجعنى كل ما اكون رايحه اشوفه
هوه الحب بييجى فى البطن و اللا ايه ؟
بس بافرح لما باشوفه اوى
والحمد لله ان البنت دى كانت مجرد زميلته فى
الدفعه سنتين قبل ما تخيب و تسقط و شكله مش
طايقها كمان
بس ليه هوه كان
مهتم اوى يقولى انها مجرد زميله
هوه بان على انى انا غيرانه و اللا ايه
بس الحمد لله ما فهمتش اى حاجه فى الاناتومى
برضه
يمكن اضطر بقه اخد درس عنده و خلاص
بس هوه بيشرح حلو حسيت كده يعنى من
اخلاصه بس انا كنت مشغوله بيه هوه
ايديه .......زى الفنان الراجل فعلا بيبان من ايديه
......
.و عينيه ......................
ليه لما بيبصلى مش بحس انه بيبص على زى كل
الناس
لا بحس انه بيبص جوايا و ما بقاش قادره احول
نظرى عنه و لا حتى قادره ابص له
يمكن هوه ده الحب اللى طول عمرى اسمع عنه
من غير ما اجربه .............ا
احمد:مش ممكن الزفته اللى اسمها هند دى ... انا مش
مصدقها حقيقى يعنى
انا مشفتهاش من سنه تيجى كده زى القضا فى
نفس معاد سارة
هوه انا بحب سارة و اللا ايه , ليه كنت خايف
اوى تشوف هند عندى ..........
بس هى بتغير و اللا ايه ؟ لا ما عتقدش دى بس
ممكن تضايق عشان اديتها معاد و لقتنى مشغول
انا حاسس انى ما عرفتش اشرح لها و لا كلمه ,
متلخبط و كل ما ابص لعينيها الاقى حاجه
تشدنى و اتلخبط زياده و اتوتر ليه
ممكن يكون ده حب ؟؟
طب وهند كانت ايه ؟ لا يا احمد عمرك ما حبتها .
هى طول عمرها بتفرض نفسها عليك و انت
عمرك ما حسيت بيها ........
دخلت سارة الى المنزل هائمه و قبلت امها ثم
رن جرس الهاتف
منال : ايه الاخبار يا سوسى
سارة : كنت فين يا منال طول النهار انت مش قلتى خالد جايلك الكليه النهارده ؟
منال : لا مانا خرجت انا هوه شويه بره الكليه ناكل ايس كريم
سارة : خرجت معاه ؟ فى عربيته ؟؟
منال : ايوه و فيها ايه مش زميلى
سارة : بصى يا منال احنا طول عمرنا كنا فى مدراس راهبات و كنا بنات بس
لكن ده مش معناه ان اول مانشوف الولاد نتهبل و ننسى نفسنا افرضى باباكى او حد من اخواتك شافك
منال : هاها من نعم ربنا علينا ان القاهره واسعاااه ما تخافيش انتى بس ده احنا ما قعدناش ساعتين على بعض
سارة : انا خايفه عليكى يا منال هما الساعتين دول شويه يعنى ربنا يسترها
منال : المهم انتى عملتى ايه النهارده مع احمد شرحلك السكشن ؟
سارة: ايوه و ما فهمتش حاجه دى ماده صعبه اوى ماتيجى ناخد درس
منال : اه طبعا ماناخدش ليه بكره اروحله المكتب و اطلب منه يدينا درس
سارة : صحيح يا منال ؟ وناخده عندى فى البيت ايه رايك
منال : طبعا يا ست هانم ما طول عمرنا بناخد عندكم يعنى حناخد فين يعنى ّ!!!
و فى اليوم التالى ذهبت منال لمكتب احمد
منال : صباح الخير يا دكتور
احمد: صباح النور يا انسه
منال : و الله انا كنت بس عايزه اتفق مع حضرتك على درس عشان احنا مستصعبين الماده شويه و طلبات حضرتك اوامر
احمد : انا مش بادى دروس يا انسه شوفى حد تانى فى القسم
منال : لييه بس يا دكتور ده حضرتك اللى بتدرسلنا فى السكشن و احسن ناخد عندك عشان يبقى الكلام واحد و بعدين ده سارةحاتزعل اوى اوى
احمدو قد لمعت عيناه : سارة ؟؟
منال : ايوه مانا وهى حاناخد مع بعض عندها فى البيت لو ما عندكش مانع
احمد : وهى ما جتش معاكى ليه
منال : اصلها تعبانه النهارده و ما جتش مامتها قلقت عليها من ساعة ما اغمى عليها و خدتها للدكتور النهارده
احمد : الف سلامه عليها خلاص نبدا الاسبوع الجاى يوم السبت ان شاء الله ممكن العنوان
منال : ثوانى و اكتبه لحضرتك هوه و التليفون عشان لو فيه اى تغيير . و شكرا يا دكتور الف شكر
ثم على الموبايل
منال : تمام يا فندم السبت الجاى ان شاء الله حايكون عندك فى البيت
سارة : وافق بسهوله كده
منال : لا مش بسهوله وافق لما عرف ان حضرتك حتاخدى معايا مش قلت لك فيه حاجه و النبى يا ريت ده الواد زى القمر يا سارة طول بعرض و بنات الكليه كلها حاتتجنن عليه و على عنيه الواسعين دول !!!
سارة : و بعدين بقه يا منال فى الكلام ده باى باى بقه اشوفك بكره
صح هوه زى القمر و طول بعرض و حنين اوى
ده عيط عشانى , لا و صوته , من الاخر اناباين كده بحبه
عمرى ما حسيت بحد الاحساس ده!!يبقى اكيد ده
هوه الحب
معقول حاشوف سارة يوم السبت فى بيتها ! و
حاديها درس كل سبت ؟ انا مش عارف البنت
دى عملتلى ايه ؟ ده انا رفضت اى درس جالى
قبل كده اشمعنى ده
عشان سارة , انا باين
بحب سارة
لا مش باين انا اكيد بحب سارة
ممكن اكلمها فى التليفون ...
بس اكلمها اقولها ايه ؟
مش مهم انا حاكلمها و خلاص
احمد : الو انا دكتور احمد بادرس للانسه سارة فى الجامعه اقدر اكلمها
الشغاله : لحظه يا فندم اندهلها ..... انسه سارة د. احمد عايز حضرتك
سارة : بتقولى مين .........................؟
و نشووف الحلقه الجايه قالها ايه بقا ؟؟؟؟؟؟